एक बंजरा गाऐं जिवन के गित सुनायें..

जय सेवालाल भाईयों👏 उठो, जागो अन् विचार करो..!!
जग खुप आंग चलेगो..आपण भी जायर कोशिस करा..!!
कोशिस करेवाळेर कोशिस पूर्ण वेजावच..!!
करेवाळेन खुप छ न करेवाळेन काई छेनी..!!
पूर्थ्वीपर जन्म लिदे काईतरी वेगळो करेन..!!
समाजेम जन्म लिदे समाजेर मानसंमान बढायन…!!
जसो याडी बाप जन्म देन आपणो पालन पोशन करच वोसोच आपणे लार समाजेर भी एक संस्कृती छ..!!
जसो याडी बाप,भाई भेन,नातो गोत, येंदुती प्रेम कराचा वोसोच समाजेती प्रेम करो..!!
समाजेती प्रेम करेवाळेर सदा विजय व्हिय..!!
समाजेर अस्तीत्व म्हणजे आयवाळी पिढिन आचे संस्कार..!!
समाजेर अस्तीत्व म्हणजे प्रत्येक बालबच्यान आचो शिक्षण..!!
समाजेर अस्तीत्व म्हणजे आयवाळी पिढिन आचे विचार..!!
समाजेर अस्तीत्व म्हणजे संत सेवालाल महाराजेर खरे बोल..!!
समाजेर अस्तीत्व म्हणजे मातृत्वेर पदर..!!
समाजेर अस्तीत्व म्हणजे बापेर कठोर शिक्षण..!!
समाजेर अस्तीत्व म्हणजे दादा दादीर मानसंमान..!!
समाजेर अस्तीत्व म्हणजे नांक्या मोटेर मानसंमान..!!
समाजेती जुडो अन् समाजेन जोडो..!! समाजेर विचार करीया जना समाजेर गोर गरीब जनतांन खरो न्याय मळीय..!!
बंजारा समाजेर प्रत्येक घरेमाईर बालबच्यान शिक्षणेर लाभ दरायर कोशिस म्हणजे समाजेन खरो खर घडाणो छ..!!
गोर बंजारा संघर्ष समिती भारत, ई समिती जुडो अन् जोडो अभियान चलारीच…!!
से बिद्धीजिवी भाई एकजाग आन समाजेर विचार करा..!!
जय सेवालाल 👏
सौजन्य :- गोर कैलास डी.राठोड
स्वयंसेवक गोर बंजारा संघर्ष समिती भारत, 

Leave a Reply