गोरमाटीर सण *होळी* – Banjara Holi

holi-gor-banjara

🔥 *होळी* 🔥

गोरमाटीर सण *होळी*
दवाळीनं *मेरा* मांघं छं
आन *होळीनं* *गेर* मांघं छं.
होळी आयी होळी आयी राम चंधोला केते आवं छं.
येक मीना आंघज होळीर गीद आन लेंघी बोलणो चालू वेजाव छं. *होळीती* दांढे आतरा दन सरकं छं.
होळीर आंघं टांढेम कोयी *समागे* तो वोर घरं बोलेनं जावं छं
आन जेर घरं *छोरा* जलमो वोर भी घरं जावं छं.
आन होळी बाळेर आंघेर दाड *नायेकेर* घरं *दांढेर* रपीया मानं छं पछं *गेरीया आन गेरणी* बणांव छं दांढो गाढेर बादमे वो वरसेम जेर वीया वेवाळो छं वो होळी वास लकडा गोळा करं छं.
रात भर *गेरीया आन गेरणीनं* सोये देयेनी कछं.
पपोळी फाटं जना होळी बाळं छं.
दूसरे दाड *ढूंढ* करं छं.
वोर मायी सीक दछं
दूसरे दाड होळी थंड करं छं.
होळीर हारेक लेंघीम *सीक* छं.
आपण देका देकी कूंयी भी होळी मनारे छां आन *होळीर* मोल घटारे छां.
जो मनकीया साणो वेजावछं वूज मनकीया *सींधी*, *हाणकी*, *दारू* , पीवं छं आबं होळीर होरीया करनाके आन बना वीयार भी दी सीसी मसका लेरे छं आन कछं *बूरा न मानो होली है*
*होळी* वेगीक दूसरे दाडेती *चेत* मीनार आवसेर आंघेर दाडेतोणी कतो १३ दाडेम कनायी भी *गेर* करं छं.
गेर साधारण चरके दाडंज करं छं लोकूनं *भागा* दछं आसे परमाणेती आपण *होळी* यी सण साजरो करां छां.

 

Plash tree- Kesula jhad
Kesula Jhad, Plash tree

Gor Holi Mala Banjara holi

भासीया नामीया भूकीया.

Tag: Gormati holi, Banjara Holi, Lamani Holi, Gor Banjara culture,

Leave a Reply