“छच्यापरेर गल्ला ग॔मतेर रमतीमं सदा गोर धाटीर एक न्यारे अस्तित्वेर ओळख”:- गोर साहित्यिक भिमणीपुत्र 

​वाते मुंगा मोलारी

               My Swan song
छच्यापरेर गल्ला ग॔मतेर रमतीमं सदा गोर धाटीर एक न्यारे अस्तित्वेर ओळख
एक बोधप्रद गोर छच्यापरेर रमती
पाको आंबा चुचन खायेर बाद एक छोरा आपणे हाते माईर आंबार गटली दुसरे छोरानं, वतान ओन पुचचं क,..
आंबार गटली चोर कुण..?
हानू पुचेर बाद, रमती माईरो एकांदी छोरा इ आव्हान स्वीकारलचं ..अन कचं क,..
म..!
पचं आंबार गटली चुचन खायेवाळो छोरा, इ जो आव्हान स्वीकारमेलो छ ओ ये छोरान पुचचं क,..
तार भिरु कुण..?
पचं इ जो आव्हान स्वीकारमेलो छ जकोण (म)ओर भीरू वतान कचं क,..
एकांदी छोरार नाम लेन ई मार भिरु छ हानू वतावचं
पचं आंबार गटली खायेवाळो ऊ छोरा, वताये जे चोरेन मारेर छोड देन ओर ” भिरुन” गटली फेकान मारचं..!
बोधप्रद संकेत-

भिरु= अंग रक्षक, हित चिंतक हानू आर्थ लक्षार्थ अन वाच्यार्थेती स्विकारतू आवचं

क्रांतिसिंह सेवालाल महाराजेर ५२ भिरु रं.इ इतिहास प्रसिद्ध वात छ.

आंगड्या चोरेन मारेर छेनी तो ओर भिरुन मारन ओर बळ कमी करेरो..ओन कमकुवत करेरो इ नीति पाठ ये रमती माइती सिकेन मळचं.ये धाटीर आपण वलाद छा येरो अभिमान आपणेन चावचं*

              

             भीमणीपुत्र

        मोहन गणुजी नायिक

सौजन्य:गोर कैलास डी राठोड 

गोर बंजारा आॅनलाईन न्यूज़ पोर्टल मुंबई,

Leave a Reply