“जुडो अन् जोडो”

जय गोर जय सेवालाल..भायों… आपणो एकच लक्ष रकाडो बिना राजकारण समाजेती जुडेरो अन् समाजेन जोडेरो, कारण कुणसी राजकिय पार्टी वाळेपर समाजेर प्रत्येक भाईऊन भरोसो छेनी. समाजेन खरो न्याय मळान देयेवास जुडो अन् जोडो अभियान गोर बंजारा संघर्ष समिती चलारीच इ समिती प्रत्येक बंजारा समाजेर नांक्याती तो मोठे मंक्यार छ ये समितीर खास ऊद्दिष्ट बंजारा समाजेन जोडेर छं..
कुणसी राजकिय पार्टी किंवा कुणसी राजकारणी नेतार समिती छेनी.इ समिती तमार हमार छ…मार गोर बंजारा समाजेर भाईयों आब खुप वेगो केरी बैकावेम न आत्ता स्वतार अस्तीत्व बणायेर वेळ आवगीच,चालो एक वेजावा कारण आपण एक वेगेतो आपण ताकत बढिय..वोर बाद समाजेर प्रत्येक काम आसान वेजाय…गोर बंजारा संघर्ष समितीर एकच प्रयास छ…निस्वार्थ पणेती समाजेन जोडेर,आच्छे आच्छे निस्वार्थी अधिकारी वर्गेर समाज बांधव य समितीन जुडगेच…गरीबेर समिती छ…राजकारण करेवाळेन करेदो आपण समाजेन जोडेर काम करा..संयोजक श्री रविराज राठोड संपादक राज बंजारा हिंदी साप्ताहिक येंदुर एकच प्रयास छ समाजेन खरो न्याय मळान देयेर समाजेर स्वतार इतिहास बणायेर तो जुडो अन् जोडो…
जय सेवालाल
गोर कैलास डी. राठोड
स्वयंसेवक गोर बंजारा संघर्ष समिती भारत,

Leave a Reply