दरीया-डुंगर. कवी- सुरेश मंगुजी राठोड़ काटोल-नागपूर

!! दरीया-डुंगर !!
=======================
हारीभरी झाड़ी दिसावं
दुरेती डुंगर हारो
देखताणी हारोभरो वेजावं
मन किलकारी मारो…….!!१!!

खाळीया रुंगळी खळखळ वेवरे
पखेरु किलबिल गावं
ऊचे झाड़ेपर बगळा बेस तो
धोळे फूल खलजावं……….!!२!!

काळेशार पाणीमं माचळी
मस्त पोवती जावं
ओ पाणीरो थांग लेयेन
मन मारो तरसावं……..!!३!!

जाई जुई अनं चंपा चमेली
मोगरा देरो वासं
चिल्लाटी परीया भुणिया बेटो
चाल पकड़ेन धासं……….!!४!!

सांज ढळगी होटो फरगे
ढोर ढांडो घरेनं
मन मारो निंदेम निकळगो
दरीया-डुंगर फरेनं………!!५!!

कवी
सुरेश मंगुजी राठोड़
काटोल-नागपूर

 

प्रमुख प्रतिनीधी: रविराज एस. पवार, 8976305533

Leave a Reply