“दल” गोरमाटी कवीता, Raviraj S. Pawar

💓💓💓💓 *_दल_* 💓💓💓💓
=======================

ये मारो दल,लाचार का वेरोची?
माथेम बनाकामेर,विचार का लारोची?
!!१!!

ठालो पालो सपनो,निंदेमं देखेची!
वजाळेम आजो,आंधारेम का गोकेची
!!२!!

Edit: Raviraj S. Pawar

आंधारी वाटेपर, आंग आंग चालं !
काटा दोटा भाटाती,जरी विय हालं !!३!!

वाटेपरं खाळीया ,नंदी जरी आयं!
जेर कनं दल छं,ऊ तरताणी जायं !!४!!

हार मत,थक मत,कती लांबेस मत!
पुरो कर सपनो,कती थांबेस मत !!५!!

कवी रविराज केरो,सामळो मारो केणो!
सपनो पुरो करेवास,दल आछो रेणो!!
!!६!!
———————————————
© कवी
रविराज आमणोत
बंजारा लाईव्ह चैनल, मुंबई
फोन: 8976305533

Leave a Reply