नंगारा – कवि श्रीकांत पवार

​” *नंगारा* ”

🍯🍯🍯🍯
*ऊठ आबं सो मत बंजारा*.🗣

*जाग निंदेती आबं घोरा रे* *नंगारा!!धृ!!*
समाजेपं उलटरो रे काळ,

तोनं गलाव कुं सुको कोळ.

घरं बेसनं ईंडा मत घोळ,

माफ करं कोनी आयवाळो काळ,

लं खांदेप झेंडा हक्क मळायेन चाल!!

*ऊठ आबं सो मत बंजारा..*….
तारिक छ सात-बारा-सोळा,

मतं घालो वुंगेमाई वेळा,

गोर वेजावो रे से गोळा.

हक्केवासं घोरावाँ नंगारा,

ऊठो चालो रे गोरमाटी बंजारा!!२!!

*ऊठ आबं  सो मत बंजारा.*…..
दकाळा गोरूर एकीरी ढाल,

केरी हाम सरमिन्दे तो छेनी,

कोनी झेला लाचारीर ये हाल.

किदेचा लोईरो रे हाम पाणी.!!३!!

*ऊठ आबं सो मत बंजारा..*….
आसो काम करनाका रे आज

सात जलम रकाडिये ये याद,

यी छ गोरमाटी री अवलाद.

संविधाने रो हक्क मांगा आज!!४!!

*ऊठ आबं सो मत गोरबंजारा….*
मांगे सारू कोनी हामआये

हामारो हक्क हामेन चाये,

कोनी बेसा आबं गप-चपं,

जगाडा पुरो यी महारास्ट्र !!५!!

*ऊठ आबं सो मत गोरबंजारा…..*
बंधुभाव समता से समाळे ,

तरी, जतवतं हामनेन टाळे,

मारा आबं नंगारापंर थाप ।

ये केनी … दिये येनुरो बाप!!६!!

*ऊठ आबं सो मत गोरबंजारा..*…
गली दि्ल्ली घोरांवाँ नंगारा,

करा आबं निंद येनुरी हराम,

दकाळा ये छा गोरमाटी हाम,

मांगानी भिक ठोकन लाचा हाम!!७!!

*ऊठ आबं सो मत गोरबंजारा…….*
कोनी सहन करारे लाचारी

सोवोमत जागो रे गोरमाटी,

” श्रीकांत”माररो सेनं तुकारी.

मळावाँ हक्क चोटेपंर नंगारारी!!८!!

*ऊठ आबं सो मत गोरबंजारा*…

*जाग निंदेती आबं घोरा रे* *नंगारा…..,*

*कवी- श्रीकांत पवार*

           ( मुंबई )

प्रमुख प्रतिनिधि – गजानन डी. राठोड

चिफ एडीटर – बंजारा न्यूज ऑनलाइन पोर्टल

वेबसाइट – www.goarbanjara.com

भ्रमणध्वनी – 9619401377

Leave a Reply