सासरो गोरमाटि कविता कवि: सुरेश मंगुजी राठोड़

कवि: सुरेश मंगुजी राठोड़

🙏🏻😭 *!! सासरो !!*😭🙏🏻
🕸🕸🕸🕸🕸🕸🕸🕸

*कतराको सोसू याड़ी,*
*सासरेरो बळजो !*
*केन कू ये याड़ी मारो,*
*फाटे लागे कळजो………..!!१!!*

*ससरो मळो गुलाम,*
*सासू घण भारी छ !*
*चलवादी नणंद,*
*देवर तो बिगारी छ………..!!२!!*

*पतीदेव सिको-साको,*
*घणोजं लाचार छ !*
*कू करन काडू दनं,*
*घणोजं विचार छ………….!!३!!*

*हेवा-दावा घरेमायी,*
*जीवणेम प्रेम छेई !*
*आड़मुठ लोक मळे,*
*केरी काई नेम छेई………..!!४!!*

*मायरेन जाऊचू तो,*
*जग मन कोसरो !*
*कतीजं छेनी आसरो,*
*कू कर काडू सासरो………!!५!!*

*बेटीकनं मया रचं,*
*जाणनजं को छो !*
*ओजं बेटी बाळीरो,*
*जीव का लो छो…………!!६!!*

*भुंजागोये कळजो,*
*कतराक सोसा !*
*काई पाप किदी,*
*नशिबेम येसा-पेसा………!!७!!*

*ऊमरी गड़ेरी मारी*
*सामका याड़ी !*
*कुई तरी बचा मारे*
*संवसारेरी गाड़ी………..!!८!!*

*ये मारी याड़ी,*
*ये मारो बाप !*
*बेटीनजं का ?*
*देरे आसो ताप……….!!९!!*

*नारीरे नशिबेम,*
*जगेरो बळजो !*
*कतरा को सोसिया,*
*चिरागोये कळजो……..!!१०!!*

*सारी मलकेर हाम,*
*सोसरीचा कळं !*
*आब तरी बंद करो,*
*नारी जलमेरो छळं………..!!११!!*
*????????????????????????*
©→→→→→→ *कवी*
**सुरेश मंगुजी राठोड़*
(काटोल-नागपूर)
मुळ गाम→ *सिंगद,ता.दिग्रस,*
जि.यवतमाळ
*7350739565*

प्रमुख प्रतिनिधि: रविराज पवार 8976305533

Leave a Reply