स्टोव्ह फूटन चार छचापरेर वेगी मौत

🏼☝🏼☝🏼☝🏼☝🏼☝🏼
जय सेवालाल, आपण देकेरेचो, YBTV Banjara youtube channel,

 जर तम आबे लगा, आपण यी चैनल, subscribe न कीदे वीयेतो, चैनल sibscribe जरूर करलो. आन बेल पण जरूर cleck करो, का कतो हाम, विडीयो update करीयातो, सेती पयीला तमेन notifications मेसेज आवजाये.
स्टोव स्फोट, वे ताणी चार छचापरेर वेगी मैत.

कर्नाटक राज्येर, चिंचोळी तालूका, बसंतपुर, ग्राम पंचायीतेम, आवेवाळो, येक गोरूरो तांडो, फत्तुनाईक तांडेम, येक होटलेम, स्टोव फूटन, चार छचापर, भगवानेन, प्यारे वेगे. 

यी घटना, 25 सपटेंबर 2017, सोमवारेर दाड हूयो छ.

प्रितम, संतोष राठोड, तिन वरसेरो छोरा,

रीतीका, लोकेश राठोड़, तिन वरसेर छोरी, ये दोयी बळताणी, जागे परज जान छोडनाके.

रीतेश, लोकेश राठोड, चार वरसेरो छोरा,

अक्षता, वेंकटेश चव्हाण, ये दोयीन, कनेरो दवाखानो, चिटगुप्पा, दवाखानेम लेगेते, दोयी दवाखानेमज जान छोडनाके.
      विरशेट्टी, राठोड़ कजको, यी होटलेरो मालक वेतो, ये चारी छचापर वोर होटलेन, चाकलेट, लेन आयेते, अतरामज, यी घटना अछानक घडगी, स्टोप चालू वेतो, अन होटलेमज, पेटरोलेर बाटली वेती, चालू स्टोपेर आंगार, वो पेटरोलेर बाटलीन पकडलिदी, जेर कारण यी घटना घण मोट वेगी.

छचापर बळगे, जेर कारण वेंकटेशेन कायी कोनी कळो, अचानकज, वू भी जेहेर पीताणी स्वतारो जान देयेरो प्रयत्न कीदो. पन लोक वोन, तूरंत, पाडलेजान, चिटगूप्पा, दवाखानेम आडमीट करनाकेच.

स्टोव्ह फूटन चार छचापरेर वेगी मौत

प्रमुख प्रतिनीधी: रविराज एस. पवार

Leave a Reply