“हसाब” कवी – विनोद राठोड

मथुरा कमावं बत्तीस,
मथुरी गमावं छत्तीस
जुळतो जूळेनी हसाब
करलो कतराभी कोशीश..

गोरमाटी आपणेच तालेमं
वाते वातेम करच रिस..
विचारेती निर्णय छेनी
सारखो हिडीस फिडीस..

दारूम दारू मोवडार दारू
पिवचं सिशी प सिशी..
शुध्दी छेनी बुध्दी छेनी
पडतानी तूटच बत्तीसी..

मनेम बांधलो गाठ
करनू न थाट माट..
व्यर्थ खर्चा छोडो
गरजेपूरताच करनू हाट..

घर गहान खेत गहान
फेड फेडन झुकगो खांदो..
पिछा छूटतो छूटेनी सावकारेरो
यीच तो छ आपणो वांदो..

कवी – विनोद राठोड

कवी – विनोद राठोड, कल्याण

प्रमुख प्रतिनीधी: रविराज एस. पवार
ऑनलाइन बंजारा न्यूज पोर्टल
8976305533

Leave a Reply