गोरमाटी/ गोर बोलीभाषा ई अभिजात दर्जारे भाषार पंगतेमं बेसेर धम्मक रकाडचं.केंद्र सरकार जो अभिजात दर्जार भाषार च्यार निकष ठरामेलो छ,ओ निकषेमं गोरमाटी/ गोर बोलीभाषा तंतोतंत उतरचं उदः-भिमणी पुत्र मोहन नायक

वाते मुंगा मोलारी
My swan song

अभिजात भाषा गोरमाटी/ गोरबोली..!

गोरमाटी/ गोर बोलीभाषा ई अभिजात दर्जारे भाषार पंगतेमं बेसेर धम्मक रकाडचं.केंद्र सरकार जो अभिजात दर्जार भाषार च्यार निकष ठरामेलो छ,ओ निकषेमं गोरमाटी/ गोर बोलीभाषा तंतोतंत उतरचं उदः-

१, गोरमाटी/ गोर बोलीभाषार परंपरा ई ओर सोतार मालकीर छ जसो- “घडीखांड एराम भी करतोजो!”,”एक कोळ मुंडो चुमा दं!”. गोर बोलीभाषारो ई स्वतंत्र शैलीगत भाषा व्यवहार अन्य कुणसी भी भाषामं आढळ आयेनी.

२, गोर बोलीभाषारो मौखिक सायित्य ई घणो मोलेरो छ;करन गोर बोलीभाषिक गोरमाटी गण समाज ओनं हातेळी परेर फोडानायी जतन करन मेलछांडो छ.गोर बोलीभाषारो मौखिक सायित्य ई परंपरागत छ.

३, गोर बोलीभाषारो आधुनिक रूप ई ओरे प्राचीन रुपेती भी भिन्न छ अन दोयी रुपेमं एक आंतरिक नातो छ जसो क, “मार गोडेपं गुणी कोनी पडी वेरी”(प्राचीन रुप ) “मार कांयी आडरो कोनी छ”(आधुनिक रुप ) ये दोयी रुपेमं आंतरिक नातो छ.ये दोयी रुपेरो गर्भितार्थ समान छ.

४, गोर बोलीभाषारो पेनो ई ८००० हाजार वरसे आतरा जूनो सिद्ध वचं…!

गोरमाटी/ गोर बोलीभाषारो दुर्दैव आतराज छ क,ओरो लिखित स्वरूपेमं सायित्य छेनी.लिखित स्वरूपेमं भाषाविज्ञान छेनी.गोर बोलीभाषार लिखित सायित्य चळवळ गतिमान वेणू गरजेर छ.तामिळी भाषा सरिक अभिजात दर्जारी भाषामं ४०% संस्कृत शब्द आढळ आवचं तो गोर बोलीभाषानं दोसी ठरान ओनं अभिजात दर्जार भाषार पंगते माईती वटाडणो ई न्यावसंगत छेनी.कुणसीज भाषा धोयेधाये चावळेनायी शुद्धत्वेरो दावो कर सकेनी भीयाओ…!

भीमणीपुत्र
मोहन गणुजी नायक

सौजन्य: गोर कैलास डी राठोड

Leave a Reply