Help for the Community

म गोविंद राठोड – वेब डेवलपर, संपादक गोरबंजारा.कॉम, बंजारा लाइव्ह व सामाजिक कार्यकर्ता. 15 वर्से ती सामाजिक कार्य करेंम सक्रिय छु. मुंबईम आपन समाज खुप संक्याम रच्छ. कोरोना वाईरस आणि lockdown भारत बंद वेति सेकड़ो लोकुर मन फ़ोन आररिच अन उन्दूर दुख म केरेछू।

मुम्बई, ठाणे, नवी मुंबई म समाजेर गरीब मजदूर, बेगारी काम करेवाल लोकुर कोरोना वाईरस वजेति अन भारत बंद वेती रोजगार समाप्त वे गोच। ये लोक दाड़ी काम करेती सांझ इंदूर चुलो व घर चाल रोतो। कोरोना वायरस वजेती आर्थिक परस्थिति बेकार वाईट वेगीच । आज काई लोकुर कुण्टुबेन खायेर तकलीफ वेगीच, बीमार छोरी-छोरान पोर पारियान दवाखानों ले जा सकरे कोनी।

म एक छोटे सो सुरुवात इनिसिएटिव ये लोकुर मदत करे सारू ले रो छू. ये लोकुन मदत करे सारू आपण पिसा कोनी दे सका, पण अन्नधान व दवाई सारू मदत करा।

ई योजना कु रबा सकिया ?

सेती प्रथम फण्ड रेज करिया, ओरे नंतर लोकुर मदत करे सारू विशेष हेल्पलाइन मोबाईल नं आणि व्हाट्सएप रिय, website बनाया. मारे ऑफिसेम 1-2 स्टाफ बेसन मैनेज करिय। स्टॉफ 10 तास काम करिय। पूरे मुंबई, ठाणे, नवी मुंबई, पनवेल प्रत्येक ठिकाणी जत जत गोर रच ओत आपण गोर सामाजिक कार्यकर्ता छ।

ये सामाजिक कार्यकर्ता जे खुप गरजु छ उन्दूर माहिती हमेन दिय, या तो जे खुप गरजु छ सीधा संपर्क करिय हमार स्थानीय सामाजिक कार्यकर्ता उन्दूर आर्थिक परिस्थिति देखन हमेन कलाये। या खुप गरजु रिय तो उ स्वतः तीन मनकयान लेंन हमेंन किय भा येन मदत करणु खुप आवश्यक छ।

गरजु मनकयार माहिती लेन ओन काई आवश्यक वस्तु छ, अन्नधान चावच या ओषधि चावच विचारन, हम ऑन पिसा दा कोनी, ऑन आवश्यक काई छ अन्नधान या ओषधि पूछन ओर एरियाम जे भी दुकान छ ओत मेलिया, खाएर वस्तु लेर नंतर दुकानदारेन सीधा ऑनलाइन (UPI, Paytm, Phonepay, Google pay etc ) पेमेंट करिया. हनु गरजु कुटुंबेन आपण मदत करे वाल छा।

अजी गरजु लोकुर लिस्ट तैयार करन होलसेल मार्केट टेती वस्तु लेंन मुंबई, ठाणा, नवी मुंबईम गाड़ी ति वितरण करिया।

काई काई दान करेर ? अन्नदान (एक कुटुंब सारू)

# चावल (Rice) – 10kg

# आटा (गेंहू/ज्वार) – 10kg

# तुअर दाल (Dal). – 2Kg

# मिर्ची पावडर। – 1/2 kg

# नमक। – 1kg

# मसाला पॉवडर। – 250grm

# हल्दी पावडर। – 250grm

# चाय पत्ती। – 200grm

# शक्कर। – 1kg

ओषधी – दवाई

डॉक्टर के परामर्श अनुसार

बंजारा समाजेर डॉक्टर फ्री परामर्श फोन पर करिय

कुन मदत कर सकिय – आपन समाजेर उद्योगपति, बिल्डर, कॉन्ट्रैक्टर, क्लास 1, 2 अधिकारी, IAS, IPS, IRS, डॉक्टर व कर्मचारी सहयोग करिय। तम से अधिकारी, कर्मचारी समाजेर आधारे पर आरक्षण लेन नोकरी मल मेलिच्छ, अब तमार कर्तव्य च, ये आपण समाजेर लोकुन मदत करणु।

सहयोग करेती तमार काई फायदों विय :

ई वेळ आपण फायदों मत देखो, मदत करेर वेळ छ। जे भी डोनर, स्पोंशर नाम हमार वेबसाइट पोर्टल, फेसबुक पेज पर विशेष सहकार्य, स्पोंशर करन तमार नाम रिय।