Kailash D. Rathod

बंजारा समाज एक साधा भोळो समाज छं ! बंजारा समाजेर एकता जर वेगी तो समाजेर समष्या खुदच मिटजावच..कारण समाजेम निस्वार्थी लोक आज भी छं ! बंजारा समाज एकच समाज आसो छ की कुणसी समाजेर माणसेपर भरोसो करलच, पण दुसर समाजेर लोक बंजारा समाजेर आजेलगा फक्त नी फक्त वापर किदेच वोर वास भाईयों स्वता समाजेर विचार करो आयवाळ पिढीन तरी सुख मळीय, सौ वर्ष साळ्या वेन जीवण जगेपेक्षा एकच दन वाघेसरीक जीवण जगन जावा…आपणे बालबच्यान भी इच सिकावो…दुसरेर हुंडीयांग झुके पेक्षा भाई भाई समोर झुको..वोत ईजत व्हिय…दुसरेर हुंडीयाग झुकेतो..जग तमेन जिवनभर मुंडी वटायद कोनी,येरे वास समाजेर हितेम विचार करो सवार समाजेर चार लोक प्रत्येकेन लागेवाळ छ, समाज इ जन्मेती तो मरणे लगा फक्त समाजच साथेम रच, आपणो समाज येरे पेक्षा दुसरो काई विचार मनेम मत लावों..प्रत्येकेन पद चावच, पण समाजेर समष्यार निवारण कोई करेनी, येरे सारू पहिले समाजेन महत्व दो समाजेर प्रत्येक घरेमाईर विद्यार्थीर बारेम विचार करो आयवाळे दनेर भविष्य छं,.. आज वोंदेर बद्दल विचार करीया तो, सवार  वोंदेन भी वाटीय की समाजेर काम आपणेन भि करणो छ…भाईयों कुणसी एक विचार ध्यानेम रकाडन काम तरो तमारो काम फत्ते वच…निस्वार्थपणेती समाजेर काम करो…लक्ष एकच रकाडो…जुडो अन् जोडो…!
जय गोर जय सेवालाल..
तमारो एक समाज भाई..निस्वार्थी समाज सेवक
कैलास डी.राठोड
गोर बंजारा संघर्ष समिती

One Comment
  1. Avatar

Leave a Reply