Vasant jadhav

डॉ.बाबासाहेब आम्बेडकर केन चलेगे,शिक्षण ई वघिनिरो दूध छ,जो उ पिये उ गुरगुरे बिना रेयेवालो छेनी’. अशिक्षित अडानी मनक्या एखादे  पशुपक्षीरे समान रछ.शिक्षेणेेबिना बुद्धिरो विकास वेयेनि,एक मर्यादेर आंग ऒर अक्कल काम करनी.मती खुट्जावच  बुद्धि अन् मतीन चालना शिक्षणेति मळ छ.इ चालना न मली तो विचार करेर ताकद नष्ट वेजाव छ.जो मनक्या विचार कर सकेनी वु स्वतारो अन् समाजेरोबि  विकास प्रगती साध सकेनी.महात्मा ज्योतिबा फुले येनुर शिक्षणेर बाबतिम मार्मिक विचार छ.ओ केमेलेच,विद्येविना मती गेली,मतिविना निति गेली.नितिविना वित्त गेले,वित्तविना क्षुद्र खचले,एवढ अनर्थ एका अविद्येने केले. अशिक्षित अडानी माणसेकनेति अद्न्यानं … अदन्यानेर कारन अविचार.. अविचारेमाहिति अनीति.. अनीति कनेति गरिबी दारिद्र्य,गरीबीमाहिति अस्वच्छता अनारोग्य.. गरीबी अन् अस्वच्छतामाहिति वजी अशिक्षितपनो इ शिक्षनेरो अनिष्ठ चक्र गोरबंजारा समाजेम मोठ प्रमानेम चालू छ.
स्वंयसेवक:   वसंत जाधव   ता.मुखेड जि.नांदेड मो.7709702081

Leave a Reply